---
title: "✨Zona 淺談避險投資💭"
type: "Topics"
locale: "zh-CN"
url: "https://longbridge.com/zh-CN/topics/1967205.md"
description: "25-02-2022 避險講緊係我地付出一定既成本，去換取未來發生風險時可以盡量降低損失。而係投資上，相關操作就係避開股票價格波動既風險。咁有咩情況我地須要選擇避險呢？例如發生戰爭、國際紛爭引發互相制裁、債務危機、通漲升温等。1）地區戰爭涉及大國會引起市場恐慌 2）國際紛爭而引發對相互企業同離岸投資既制裁 3）債務危機指一 d 經濟疲弱既國家，外界擔心佢地無力償還債務或要延期 4）經濟環保唔好，央行減息..."
datetime: "2022-02-25T18:09:58.000Z"
locales:
  - [en](https://longbridge.com/en/topics/1967205.md)
  - [zh-CN](https://longbridge.com/zh-CN/topics/1967205.md)
  - [zh-HK](https://longbridge.com/zh-HK/topics/1967205.md)
author: "[Zona投資隨筆](https://longbridge.com/zh-CN/profiles/8538629.md)"
---

> 支持的语言: [English](https://longbridge.com/en/topics/1967205.md) | [繁體中文](https://longbridge.com/zh-HK/topics/1967205.md)


# ✨Zona 淺談避險投資💭

25-02-2022

避險講緊係我地付出一定既成本，去換取未來發生風險時可以盡量降低損失。而係投資上，相關操作就係避開股票價格波動既風險。  
  
咁有咩情況我地須要選擇避險呢？例如發生戰爭、國際紛爭引發互相制裁、債務危機、通漲升温等。  
  
1）地區戰爭涉及大國會引起市場恐慌  
2）國際紛爭而引發對相互企業同離岸投資既制裁  
3）債務危機指一 d 經濟疲弱既國家，外界擔心佢地無力償還債務或要延期  
4）經濟環保唔好，央行減息，釋放資金，增加市場流動性同消費開支。但持續既寬鬆政策，會令到通漲上升，為控制物價，又重回加息既循環，而其中加息同減息又會利好或利淡某 d 股票。  
  
其實最近都有好明顯既例子，俄烏衝突幾乎令全球股市波動，正式入侵烏克蘭大跌，戰事幾近完結或稍微放風計劃談判又會反彈；美聯儲擬定三月加息降低通漲又令股市波動，而來緊美國會再開會睇下經濟數據再決定加 1/4 還是 1/2 釐。外界預測會係 1/4 釐居多，否則市場又要震盪了。  
  
咁係外圍局勢同市場環境波動下，假如預期股市下跌，但我地本身就持有股票，對於因股票價格下跌而造成損失，就可以做所謂「對沖」，即係買入看淡投資工具，係當中獲利而彌補原來投資上既虧損。例如睇淡香港恆指同美國納指既$FI2 CSOP HSI(07500.HK) $Proshares UltraPro Short QQQ ETF(SQQQ.US)  , 佢地係對指數下跌有 2-3 倍槓桿效果既 ETF。  
  
相信上面兩個 ETF 股友都好熟悉。除此而外，面對地區戰爭，股票市場受波及，仲有咩其他投資選擇？可以揀石油，特別涉及石油出口國，黃金同 Bitcoin。  
  
$W&T Offshore(WTI.US) 原油主連 (2204)(CLmain.US)$   
$黃金主連 (2204)(GCmain.US)$   
$FL2CSOPGOLD(07299.HK) $Simplify US Equity PLUS GBTC ETF(SPBC.US)   
 

其實我出依篇野又遲左，果陣 WTI 原油期貨曾經係短期高位美金 95 左右回落至 87 附近橫行。直至俄羅斯全面進軍烏克蘭，就有左催化劑令油價再上。兩日前外界都預期油價會升穿 100，甚至更高，但油價咁高又會帶來咩問題？美國會唔會坐視不理呢？依度先唔講咁深入。唔少朋友問我好唔好買石油期貨？我唔主張既，當時自己預期油價只會大約升到 100 美元就玩完，除非局勢急劇轉壞，例如俄羅斯要吞併烏克蘭，繼而波蘭。結果，油價稍微 high 一 high 100 就回落，加上係開戰兩日後就傳出俄方願意重返談判桌既消息。  
  
  
其實黃金期貨都一樣，之前我係穿美金 1800 介入，上望睇 1860 大阻力。一張黃金期貨價格大約係 8xxx 美金一張，假如金價升 1 美元，實際盈利就有 100 美元。當然買左都係要日日睇住走勢同消息啦，而最後就係金價升到 1860 賣出，獲利 6000 美元。本來諗住又會有一個循環，等佢回落到咩價位再買入。隨即俄烏打仗，金價就升得好快，我亦無買入，結果金價就由傳出俄軍準備入侵升至 1900 美元，到全面入侵就升到 1970 左右後回落，個陣好多人都睇話上 2000。遇著依的情況，我個人比較鍾意揀黃金避險。

至於虛擬貨幣 Bitcoin，大家都唔陌生，佢幣價曾經試過炒到上 6xxxx 美元。不過自從中國唔接受佢之後，之前既炒風一去不返。佢仍然有避險作用，但同股票一樣都要睇走勢同資金去決定買賣位置，如果佢落到 30000 美金就算特價了。咁鑑於買入比特幣價格高昂，投資者可以揀 ETF$Simplify US Equity PLUS GBTC ETF(SPBC.US) ，不過講明先佢係唔跟足幣價走勢同食價既。  
  
有關避險投資，今晚就講住咁多先，希望幫到大家瞭解多 d。

買入股票前須留意：  
1）當刻市況   
2）板塊是否當炒或出現消息  
3）買賣盤比例   
4）以不同天線，在股價遇到支持同阻力位後的反應，作為買賣參考   
5）下跌中的股票不買，除非妳非常熟悉該股股價走勢，並巳預算會分注，否則最好等出現強勢買盤同反彈才行動  
6）別人意見只能作為參考，買賣自己決定   
  
  
歡迎大家提問。請先點贊、關注，發問時標籤股票，同講埋咩價位買入或未持有。

$TENCENT(00700.HK) $MEITUAN(03690.HK) $BABA-W(09988.HK) $HKEX(00388.HK) $XIAOMI-W(01810.HK) $CHINA POWER(02380.HK) $HUANENG POWER(00902.HK) $CHINA RES POWER(00836.HK)

### 相关股票

- [FI2 CSOP HSI (07500.HK)](https://longbridge.com/zh-CN/quote/07500.HK.md)
- [Proshares UltraPro Short QQQ ETF (SQQQ.US)](https://longbridge.com/zh-CN/quote/SQQQ.US.md)
- [FL2CSOPGOLD (07299.HK)](https://longbridge.com/zh-CN/quote/07299.HK.md)
- [Simplify US Equity PLUS GBTC ETF (SPBC.US)](https://longbridge.com/zh-CN/quote/SPBC.US.md)
- [TENCENT (00700.HK)](https://longbridge.com/zh-CN/quote/00700.HK.md)
- [MEITUAN (03690.HK)](https://longbridge.com/zh-CN/quote/03690.HK.md)
- [BABA-W (09988.HK)](https://longbridge.com/zh-CN/quote/09988.HK.md)
- [HKEX (00388.HK)](https://longbridge.com/zh-CN/quote/00388.HK.md)
- [XIAOMI-W (01810.HK)](https://longbridge.com/zh-CN/quote/01810.HK.md)
- [CHINA POWER (02380.HK)](https://longbridge.com/zh-CN/quote/02380.HK.md)
- [HUANENG POWER (00902.HK)](https://longbridge.com/zh-CN/quote/00902.HK.md)
- [CHINA RES POWER (00836.HK)](https://longbridge.com/zh-CN/quote/00836.HK.md)

## 评论 (3)

- **躺平致富 · 2022-02-26T06:02:01.000Z**: 其實我覺得用金、油作為避險工具方向正確，但對於一般老散黎講，成本太大，因為又要開期貨戶口，又要承擔保證金制度嘅風險。我覺得最簡單就係窩輪牛熊證作為對衝工具，但入場前都要做足功課。多謝分享。
  - **Zona投資隨筆** (2022-02-26T07:35:57.000Z): 所以可以選擇 ETF, 風險比牛熊低而穩陣😊
- **JasonuU1J · 2022-02-26T05:52:40.000Z · 👍 1**: 謝謝分享，值得看一看