--- title: "我係「JPX」唔係「JPEX」- 日本交易所分析" type: "Topics" locale: "zh-HK" url: "https://longbridge.com/zh-HK/topics/10116892.md" description: "日本交易所歷史悠久，最近因 JPEX 事件備受關注日本交易所收入及盈利增長不高，但勝在穩定，成交額多寡對日本交易所更重要倚賴日本交易所是投資者除了日本 ETF 外看好日本市場之選$日本交易所(8697.JP)香港 JPEX 事件引起「全城哄動」，牽連甚廣，自今香港警方已拘捕 26 日，估計此案涉及的金額達 15.5 億港元 (數字仍在上升中)。JPEX 聲稱自己是日本交易所..." datetime: "2023-10-07T09:50:59.000Z" locales: - [en](https://longbridge.com/en/topics/10116892.md) - [zh-CN](https://longbridge.com/zh-CN/topics/10116892.md) - [zh-HK](https://longbridge.com/zh-HK/topics/10116892.md) author: "[BenSir的投資人生](https://longbridge.com/zh-HK/profiles/9856039.md)" --- # 我係「JPX」唔係「JPEX」- 日本交易所分析 - **日本交易所歷史悠久，最近因 JPEX 事件備受關注** - **日本交易所收入及盈利增長不高，但勝在穩定，成交額多寡對日本交易所更重要倚賴** - **日本交易所是投資者除了日本 ETF 外看好日本市場之選** $日本交易所(8697.JP) 香港 JPEX 事件引起「全城哄動」，牽連甚廣，自今香港警方已拘捕 26 日，估計此案涉及的金額達 15.5 億港元 (數字仍在上升中)。JPEX 聲稱自己是日本交易所，當然 JPEX 之後係 2022 年 2 月 7 日果陣俾日本交易所 (JPX)「篤爆」，講「JPEX」同「JPX」係無任何關係啦 (其實都 1 年前已講有問題架啦，所以您講 JPEX 既朋友係唔係看漏左呢！)。今次就唔講 JPEX 啦 (相關既題目，看番我地同好 @泡泡龍投資同 @雲狄財經台啦 (btw, 兩個都好好人，雲狄講故事好抵死！)，今日看下日本交易所 (8697) 呢隻股啦！ **日本交易所主要業務** 日本交易所 (Japan Exchange Group,「JPX」(上市編號: 8697) 是日本國內法定認可的交易所，旗下公司包括： **a)** 東京交易所 (主理股票買賣)、 **b)** 大阪交易所 (主理期貨買賣，包括日經指數、日本國債、紅豆期貨、橡膠期貨等)(係，日本既橡膠期貨係世界指標來既，紅豆期貨都係！) **c)** 東京商品取引所 (主理能源、電力期貨) **d)** 結算所、研究部、市場監管 日本其實好早已在 1730 年有期貨市場，比西方早好多，主要係炒「大米」叫堂島米會所 (即大阪交易所既前身)，由澱屋常安創立 (有關呢個人同其他人，找人再寫)，炒期貨會唔會發達？ 有，第一個就是澱屋常安，之後就係本間宗久，您地炒野成日用既陰陽燭其實就係日本人本間宗久發明既，另外一目均衡表 (一目雲圖) 都係日本發明既，我地 Patreon 有講，大家留意下 **圖 1: 於堂島米市場周邊道路上進行交易。每日正式交易時間結束後仍逗留在此地的人被潑水驅散** _**資料來源: 日本交易所**_ 2013 年前東京交易所、大阪交易所都係各自為政，直到 2013 年兩所決定合併組成日本交易所集團 (好似果陣港交以前既四會合併，不過香港就一早 1986 完成，呢樣香港就強過日本好多)。之後日本交易所同日緬甸合作，合作成立仰光交易所，係，係仰光交易所，所以仰光交易所係日本人成立既，唔係 <東方華爾街 \> 既韋航成立既 **收入增長穩定，日本交易所較港交所倚賴成交額** 日本交易所 2023 年連續 12 個月總收入達 1373.68 億日元，較 2022 年上升 2.5%，其中 1) 交易服務收入達 547.28 億 (佔總收入 39.84%)、2) 結算服務收入達 287.09 億 (20.9%)、3) 上市相關收入達 140.07 億 (10.2%)、4) 資訊科技收入 280.16 億 (20.39%)、5) 其他收入 (8.67%)。收入上升全要是由交易服務收入同期上升 2.52% 帶動。這與港交所 (388) 大為不同，預期日本交易所未來有會更積極去催谷成交額帶動自身收入增長 **圖 2、日本交易所業務收益分佈 (2018 財年至 2023 財年)** _**資料來源: 日本交易所、BenSir 的投資人生**_ **收入及除息除税前利潤增長回暖** 收入自 2022 年經歷低谷後急升，2023 年連續 12 個月除息除税前利潤達 945.87 億日元，較 2022 年上升 8.38%。 **圖 3、日本交易所業務收益及除息除税前利潤反彈 (2018 財年至 2023 財年)** _**資料來源: 日本交易所、BenSir 的投資人生**_ **回報率、股息分派比率穩定，股息率略升但非高息** 2018 至 2023 年除息除税前利潤率維持在 72.91% 至 77.66%，而股本回報率則維持在 14.75 至 17.56%。回報率開始回升是一個好兆頭 **圖 4、除息除税前利潤率及股本回報率 (2018 至 2023 財年)** _**資料來源: 日本交易所、BenSir 的投資人生**_ 日本交易所業務穩定支持其穩定派息，2018 至 2023 年公司將接近 7 成的盈利分派出去，分派比率很穩定。不過現時股息率 2.2% 至 3.55%，扣取股息税，股東這一方面既收入或會更少 (日本的股息税是 15.315%) **圖 5、股息分派比率穩定，股息率因股價走高而下跌** _**資料來源: 日本交易所、BenSir 的投資人生**_ **股價表現領先同業，與同業比較估值則略貴** 截至 2023 年 10 月 7 日，用美元計數，日本交易所 (8697) 既股價今年跑贏哂，今年 +40.51%，港交所都係第 1，不過係包尾 lor 利用企業價值/税前息前利潤 (EV/EBIT) 作比較，日本交易所估值較平均略貴，而如果用市盈率 (P/E) 比較，日本交易所則較美國、德國、泛歐交易所昂貴，但與芝加哥交易所市盈率相約 **圖 6、2023 年股價表現超同業，港交所就今年包尾** _**資料來源: Tradingview、BenSir 的投資人生**_ **圖 7、企業價值/税前息前利潤，港交所較其他交易所便宜** _**資料來源: Alphaspread、BenSir 的投資人生**_ **圖 8、市盈率 (P/E) 比較，港交所則較歐美等同業昂貴** _**資料來源: Alphaspread、BenSir 的投資人生**_ **日本交易所走勢分析** 日線圖升勢強勁，企好支持 2785 日元將續升，下一步挑戰 2907.5、3061 日元。跌穿 2785 後將會下試第 2 支持區 2708.5 日元 **圖 9、日本交易所走勢分析** _**資料來源: Tradingview、BenSir 的投資人生**_ **結論** 估值略貴，預期公司派息應可維持，不過如資金持續流入日本對日本交易所是一件好事。由於日本交易所與港交所相比，日本交易所較倚賴成交量支持盈利，因此預期會較港交所更積極催谷日本市場的成交額。自身會候低吸納 ### 相關股票 - [8697.JP](https://longbridge.com/zh-HK/quote/8697.JP.md)