---
title: "摩帥 • 投資理念 - 長線投資之 ETF 篇"
type: "Topics"
locale: "zh-HK"
url: "https://longbridge.com/zh-HK/topics/2256883.md"
description: "大家好，之前我的專欄寫到長線投資的部署有幾種類的投資方法而其中一個就係部署在 ETF，所以今日我想以一個問答的方式來幫大家深入瞭解 ETF。1. 什麼是 ETF?ETF 原文為 Exchange Traded Funds ，由文字上翻譯中文的意思就係交易所買賣基金，顧名思義，就係可以在聯交所上市同埋可以買賣而買賣的方式、花費同一般的股票類似，只不過投資者買的唔係個別股票，而是基金。除此之外..."
datetime: "2022-04-05T10:24:19.000Z"
locales:
  - [en](https://longbridge.com/en/topics/2256883.md)
  - [zh-CN](https://longbridge.com/zh-CN/topics/2256883.md)
  - [zh-HK](https://longbridge.com/zh-HK/topics/2256883.md)
author: "[摩帥](https://longbridge.com/zh-HK/profiles/8782297.md)"
---

> 支持的語言: [English](https://longbridge.com/en/topics/2256883.md) | [简体中文](https://longbridge.com/zh-CN/topics/2256883.md)


# 摩帥 • 投資理念 - 長線投資之 ETF 篇

大家好，之前我的專欄寫到長線投資的部署有幾種類的投資方法而其中一個就係部署在 ETF，所以今日我想以一個問答的方式來幫大家深入瞭解 ETF。  
  
**1. 什麼是 ETF?**  
ETF 原文為 Exchange Traded Funds ，由文字上翻譯中文的意思就係交易所買賣基金，顧名思義，就係可以在聯交所上市同埋可以買賣而買賣的方式、花費同一般的股票類似，只不過投資者買的唔係個別股票，而是基金。  
除此之外，ETF 的投資組合可以包括股票、商品、貨幣市場工具等投資產品，投資者買入該 ETF，等同買入該投資組合內的所有產品。  
  
**2. ETF 分幾種類型？**  
一般上，ETF 分為兩大類型，被動型 同埋主動型。  
  
**被動型 ETF** - 這種類的 ETF 就係跟蹤特定指標例如跟蹤大市 $Hang Seng Index(00HSI.HK)   上落，從而這類型的 ETF 的價格都係跟住大市指數而變動，而大家比較熟悉這類型的 ETF 有 $CSOP HSI ETF(03037.HK)  。  
這個係南方東英的其中一個跟蹤恆生指數的 ETF 產品。  
不過，從資金投入的幅度，投資者都比較喜愛投入每日有 2 倍槓桿睇多睇空的 ETF，兩倍槓桿睇多的 $FL2 CSOP HSI(07200.HK) ，同時間都有投資者做反向對衝兩倍摃杆睇空的 $FI2 CSOP HSI(07500.HK)  。  
兩倍槓桿的意思就係 (2x) 產品，舉個例，如果大市指數升 1%，咁這個 ETF 的股價就上升 2%，而反向就係下跌 2％。  
  
**以下圖片可以睇到大市昨日升 2.1%，而 7200 股價就升 4.4％**

除此之外，這類型 ETF 都有跟蹤特定行業指數例如恆生科技股的 $CSOP HS TECH(03033.HK)  ，或者最近比較多人關注的商品指數例如黃金 ETF $FL2CSOPGOLD(07299.HK)  ，跟蹤 WTI 原油期貨反向的 $FI 南方原油.HK 等等。  
  
**主動型 ETF** - 這類型的 ETF 就不會追蹤指數，而是由基金經理選擇投資於唔同板塊的股票產品。舉個例，南方東英都有以未來主題的 ETF 的關鍵產品，定義未來投資前景。  
$CSOP NASDAQ100(03034.HK)   
這個 ETF 主要投資於元宇宙概念相關的股票、四大核心元宇宙領域，投資**全面覆蓋元宇宙領域近 50 個行業**領導者，而這個 ETF 最大的成分股就有 $Meta Platforms(META.US)$Roblox(RBLX.US) $Apple(AAPL.US)  等等，所以這個 ETF 就比較適合睇好未來元宇宙板塊的投資者。  
  
**3. 投資 ETF 有什麼好處？**  
第一就係**分散風險**  
我相信大家都聽過「不要將所有雞蛋放在同一個籃子裏 」的金句，呢個意思其實就係分散投資，而可以做到分散風險的效果。大家都知道最簡單的做法就係同時間地投入多隻股票，可惜小股民的本金有限，特別係一手藍籌股的入場費都要上萬元，如果投資者沒有幾十萬資金在手，都難以做到。  
另一個分散投資的方法就是買基金，坊間有唔同的銀行、保險公司，或股票經紀行都會向客户推薦基金產品，當中不少都標榜「分散投資」，但係基金普遍入場費較高，且手續費、管理費和報價都不及股票透明，亦是適合持有比較多本金的投資者。  
所以 ETF 就同時有基金的「分散投資」以及股票的「方便買賣」，入場門檻都相對比較低，舉個例，買入一手$南方智能駕駛.HK  只需要大致 625 港元，你就可以等同買入多隻包括美股的 Tesla，A 股的寧德時代。ETF 除左分散風險，入門費低，管理費低之外，ETF 的另一好處就係報價透明，與其他在交易所上市的股票一樣，都可以在常用投資應用例如長橋或者網站上可以獲得即時報價，而基金則要在收市後才計算，明天才能知道今天的價格。  
另外，不少 ETF 都會派息，亦會在發行文件中清楚列明派息政策，與上市企業的股票一樣透明。  
最後 ETF 的好處就係買賣 ETF 與買賣股票一樣簡單，只要有證劵户口就可以即時交易。所需的費用亦與股票一樣，即佣金和交易所徵費等，而且大部份香港 ETF 買賣時還豁免印花税！  
ETF 在執行交易時亦比基金透明，可即時知道成交與否，和股票交易一樣。  
  
**4. 投資 ETF 有沒有風險？**  
雖然 ETF 有好多優點，但同時間的都有少量的風險。例如投資者唔可以有主動控制個別企業的比重，即係如果某一股份在 ETF 中的成分佔比率比較重，但其股價表現未如理想，咁呢隻 ETF 的價位亦會相應被拖累。  
同時，除了個別熱門 ETF 的成交量比較大之外，有些比較冷門 ETF 的成交量一般都比較薄弱，從而令到它的流動性亦相對低，買賣時的價位走勢就有機會可能沒有股票般活躍。

**總結：**  
任何投資產品都有風險的，只不過相關風險係高、中或者低呢？  
所以當大家在做投資的時候包括買入股票、基金、商品期貨、貨幣或者 ETF，希望大家都要做足功課之後先決定部署。  
除此之外，大家都可以到相關發行機構的網站了解清楚該 ETF 的成分股、指數編製方法、指數追蹤誤差、收費、風險披露、收益分配和派息政策等等資料，然後再作決定部署。  
  
唔知大家對我今日的 ETF 篇有何意見呢？如果有，大家不妨可以在評論區留言，希望大家可以互相交流，從而我可以繼續提升我未來寫的專欄。最重要希望大家可以點讚，俾👍❤️，同埋分享。  
我都希望今日的專欄可以幫助大家瞭解多啲關於 ETF 的產品😉😉  
多謝大家一直支持我，關注我🙇🙇  
  
**以上內容純屬個人心得分享用途，而只能作為參考，並非投資建議。**

### 相關股票

- [Hang Seng Index (00HSI.HK)](https://longbridge.com/zh-HK/quote/00HSI.HK.md)
- [CSOP HSI ETF (03037.HK)](https://longbridge.com/zh-HK/quote/03037.HK.md)
- [FL2 CSOP HSI (07200.HK)](https://longbridge.com/zh-HK/quote/07200.HK.md)
- [FI2 CSOP HSI (07500.HK)](https://longbridge.com/zh-HK/quote/07500.HK.md)
- [CSOP HS TECH (03033.HK)](https://longbridge.com/zh-HK/quote/03033.HK.md)
- [FL2CSOPGOLD (07299.HK)](https://longbridge.com/zh-HK/quote/07299.HK.md)
- [CSOP NASDAQ100 (03034.HK)](https://longbridge.com/zh-HK/quote/03034.HK.md)
- [Roblox (RBLX.US)](https://longbridge.com/zh-HK/quote/RBLX.US.md)
- [Apple (AAPL.US)](https://longbridge.com/zh-HK/quote/AAPL.US.md)

## 評論 (6)

- **阿浦美股 · 2022-04-05T15:49:50.000Z · 👍 1**: 写得很赞
  - **摩帥** (2022-04-05T16:41:52.000Z): 謝謝讚賞😉😉
- **小散老俞 · 2022-04-05T14:43:33.000Z · 👍 1**: Etf 挺好的，相对稳定
  - **摩帥** (2022-04-05T16:41:35.000Z): 是的，比較適合保守和平時忙碌的投資者。
- **生财研习社 · 2022-04-05T13:04:18.000Z · 👍 1**: ETF 是非常合适的投资工具，简单明了，清晰。
  - **摩帥** (2022-04-05T14:14:04.000Z): 多謝支持😊😊