---
title: "大家有冇睇到今朝$巨星傳奇(06683.HK) 嘅股價表現呀？呢隻由周杰倫老母親葉惠美間接持股嘅「周杰倫概念股」，今日真係話咁快就插水，單日跌咗足足 72%！ 今朝一開盤，輕微高開 0.8% 咋，但唔"
description: "大家有冇睇到今朝$巨星傳奇(06683.HK) 嘅股價表現呀？呢隻由周杰倫老母親葉惠美間接持股嘅「周杰倫概念股」，今日真係話咁快就插水，單日跌咗足足 72%！ 今朝一開盤，輕微高開 0.8% 咋，但唔夠一陣，就急插 59.2%，直插落去 3.81 蚊，仲一度見過 3.71 蚊嘅上市新低。成日我哋都話市調機制唔掂，今次真係見證到啦，10:30 分被觸發，進入五分鐘冷靜期，之後喺 3.83 至 5.7"
type: "topic"
locale: "zh-HK"
url: "https://longbridge.com/zh-HK/topics/23792363.md"
published_at: "2024-09-11T10:02:54.000Z"
author: "[Wealth By Relaxing](https://longbridge.com/zh-HK/profiles/8547308)"
---

# 大家有冇睇到今朝$巨星傳奇(06683.HK) 嘅股價表現呀？呢隻由周杰倫老母親葉惠美間接持股嘅「周杰倫概念股」，今日真係話咁快就插水，單日跌咗足足 72%！ 今朝一開盤，輕微高開 0.8% 咋，但唔

大家有冇睇到今朝$巨星傳奇(06683.HK) 嘅股價表現呀？呢隻由周杰倫老母親葉惠美間接持股嘅「周杰倫概念股」，今日真係話咁快就插水，單日跌咗足足 72%！

今朝一開盤，輕微高開 0.8% 咋，但唔夠一陣，就急插 59.2%，直插落去 3.81 蚊，仲一度見過 3.71 蚊嘅上市新低。成日我哋都話市調機制唔掂，今次真係見證到啦，10:30 分被觸發，進入五分鐘冷靜期，之後喺 3.83 至 5.73 蚊之間係限價交易。

其實今次急插嘅原因，公司回應報導話可能係因為較早入場嘅股東獲利回吐，加上近期市場動盪，恒指壓力大，所以有人沽咗獲利。不過睇翻網絡上截圖，有傳話周杰倫深圳演唱會有黃牛黨走佬，一班人卑人當水魚。不過網絡信息，真假難辯。

### Related Stocks

- [06683.HK - 巨星傳奇](https://longbridge.com/zh-HK/quote/06683.HK.md)

---

> **免責聲明**：本文內容僅供參考，不構成任何投資建議。