---
title: "摩帥日評：恆指升勢持續、比特幣創歷史新高！"
type: "Topics"
locale: "zh-HK"
url: "https://longbridge.com/zh-HK/topics/31730545.md"
description: "大家好，今日大市$恆生指數(00HSI.HK)的表現雖然都算唔錯，不過午時之後的大市表現就真係有少少令市場失望的，主要因爲大市上半場的時段除咗延續昨日的升勢之餘，同時都有大量資金不斷湧入而令到大市係曾經一度大升超過 400 點、接近 500 點的升幅，同時盤中都一度突破暫時 7 月的高位而來到今日高位～24506 點，不過可惜這個升勢只係維持半日，因爲之後大市就開始面對龐大的套利沽壓而令到升幅不斷回吐..."
datetime: "2025-07-11T15:51:25.000Z"
locales:
  - [en](https://longbridge.com/en/topics/31730545.md)
  - [zh-CN](https://longbridge.com/zh-CN/topics/31730545.md)
  - [zh-HK](https://longbridge.com/zh-HK/topics/31730545.md)
author: "[摩帥](https://longbridge.com/zh-HK/profiles/8782297.md)"
---

# 摩帥日評：恆指升勢持續、比特幣創歷史新高！

大家好，今日大市$恆生指數(00HSI.HK)的表現雖然都算唔錯，不過午時之後的大市表現就真係有少少令市場失望的，主要因為大市上半場的時段除咗延續昨日的升勢之餘，同時都有大量資金不斷湧入而令到大市係曾經一度大升超過 400 點、接近 500 點的升幅，同時盤中都一度突破暫時 7 月的高位而來到今日高位～**24506**點，不過可惜這個升勢只係維持半日，因為之後大市就開始面對龐大的套利沽壓而令到升幅不斷回吐。眼看大市就快由升轉跌的時候，大市最後都能夠挨過沽壓而成功守住今日的升幅，並且都成功企穩於全日均線之上，收**24139**點。另外，今日大市的成交金額係超過 3000 億元，一共有 3240 億元，交投可以話非常熾熱的，牛氣衝天。

今日早段時刻的大市能夠全面做好主要都係受惠近期非常強勢的 A 股$上證指數(000001.SH)的帶動，尤其今日 A 股一度再創今年新高位～**3555**點，而不斷拉近舊年高位～**3674**點的距離，雖然最後未能夠守住今日高位，不過最後都係企穩**3500**點之上。而 A 股的做好一定帶動一眾金融板塊尤其保險板塊例如$中國平安(02318.HK) $友邦保險(01299.HK) $中國人壽(02628.HK)的表現都相當唔措。另外，今日藍籌表現最好的就係藥明系的$藥明康德(02359.HK)$藥明生物(02269.HK)因為$藥明康德(02359.HK) 發出盈喜而單日大升超過 10%，升勢非常凌厲。另一方面，因為有大行指出$香港交易所(00388.HK)第二季度的業績預計會非常靚麗所以$香港交易所(00388.HK)今日股價一度成功破頂同時都創 2022 年以來的新高～**432**元。最後，大市能夠做好一定離唔開藍籌重磅科技的$騰訊控股(00700.HK) $阿里巴巴-W(09988.HK) $美團-W(03690.HK) $小米集團-W(01810.HK)，而早段就係$阿里巴巴-W(09988.HK) $美團-W(03690.HK)齊齊上升超過 3% 的加持之下，大市先有超過 470 點的升幅。

今日市場焦點依然圍住近期不斷熱炒的穩定幣相關概念券商板塊，因為受到加密貨幣龍頭比特幣突破 11.7 萬美元而再創歷史新高的強力刺激下，所以一眾持有加密貨幣牌照的券商集體上升包括$國泰君安國際(01788.HK)的股價曾經一度破頂而來到 7.07 元，雖然最後股價大部分的升幅已經回吐但係今年股價纍計升幅已經超過 5 倍，非常強勁。另外，今日又有一隻券商股大升就係$中州證券(01375.HK)，所以非常明顯地好多資金都圍住這個板塊輪流炒。

另一方面，今日$恆生科技指數(STECH.HK)的表現都算唔錯雖然未能夠突破 7 月的高位～**5362**點，但係盤中曾經一度都突破這週高位～**5328**點，但係最後都再次失守**5300**點這個關鍵的心理關口，收喺**5248**點。雖然恆科暫時整體的走勢都係橫行區間上落為主，但係**5300**點絕對係一個非常龐大的阻力位置，所以恆科要重拾升勢，首要條件絕對係要企穩**5300**點這個阻力位置之上，不過恆科要升上一定係由 AI 相關消息主導。不過，美股$納斯達克綜合指數(.IXIC.US)都能夠靠$英偉達(NVDA.US)而破頂，我想信有朝一日恆科一定會跟隨$納斯達克綜合指數(.IXIC.US)而再創高峰，所以如果有投資者都同我一樣睇好科技板塊的話，不妨都可以趁現在留意或者部署由招商資管發行跟蹤恆科指數的 ETF~$招商恆生科技(03423.HK)。另外，招商資管都有發行與美債相關的避險 ETF~$恆生招商七十美債(03435.HK) $恆生招商一三美債(03436.HK)這兩隻 ETF 分別係相對投資於 1-3 年期和 7-10 年期美國國債。美債作為全球避險資產，可以用來對衝股市的波動，所以比較適合保守型投資者。

**總結**

今日大市的走勢終於成功企穩全日均線以上同時都突破步入下半年後的高位～**24506**點，唯一比較可惜就係今日未能夠一舉衝破前頂～**24533**點，如果今日成功突破前頂的話，升幅就未必會回吐。不過，今日唯一值得安慰就係成交金額重新有超過 3000 億元的盛況，所以我相信這一波的升浪仲未完結，後市絕對值得期待。

如果大家喜歡我今次的分享，希望大家可以點贊，俾👍♥️，同時都可以分享😊😊

多謝大家一直支持我，關注我🙇‍♂️🙇‍♂️

**以上內容純屬個人心得分享用途，而只能作為參考，不構成任何投資建議。投資有風險，入市需謹慎。**

### 相關股票

- [GBTC.US](https://longbridge.com/zh-HK/quote/GBTC.US.md)
- [HODL.US](https://longbridge.com/zh-HK/quote/HODL.US.md)
- [03066.HK](https://longbridge.com/zh-HK/quote/03066.HK.md)
- [03135.HK](https://longbridge.com/zh-HK/quote/03135.HK.md)
- [BTCO.US](https://longbridge.com/zh-HK/quote/BTCO.US.md)
- [02628.HK](https://longbridge.com/zh-HK/quote/02628.HK.md)
- [601628.CN](https://longbridge.com/zh-HK/quote/601628.CN.md)
- [02269.HK](https://longbridge.com/zh-HK/quote/02269.HK.md)
- [WXXWY.US](https://longbridge.com/zh-HK/quote/WXXWY.US.md)
- [00388.HK](https://longbridge.com/zh-HK/quote/00388.HK.md)
- [HKXCY.US](https://longbridge.com/zh-HK/quote/HKXCY.US.md)
- [01788.HK](https://longbridge.com/zh-HK/quote/01788.HK.md)
- [.IXIC.US](https://longbridge.com/zh-HK/quote/.IXIC.US.md)
- [000001.CN](https://longbridge.com/zh-HK/quote/000001.CN.md)
- [00700.HK](https://longbridge.com/zh-HK/quote/00700.HK.md)
- [80700.HK](https://longbridge.com/zh-HK/quote/80700.HK.md)
- [HTCD.SG](https://longbridge.com/zh-HK/quote/HTCD.SG.md)
- [TCEHY.US](https://longbridge.com/zh-HK/quote/TCEHY.US.md)
- [TCTZF.US](https://longbridge.com/zh-HK/quote/TCTZF.US.md)
- [09988.HK](https://longbridge.com/zh-HK/quote/09988.HK.md)
- [89988.HK](https://longbridge.com/zh-HK/quote/89988.HK.md)
- [HBBD.SG](https://longbridge.com/zh-HK/quote/HBBD.SG.md)
- [BABA.US](https://longbridge.com/zh-HK/quote/BABA.US.md)