✨Zona 浅谈避险投资💭

25-02-2022

避险讲紧系我地付出一定既成本，去换取未来发生风险时可以尽量降低损失。而系投资上，相关操作就系避开股票价格波动既风险。

咁有咩情况我地须要选择避险呢？例如发生战争、国际纷争引发互相制裁、债务危机、通涨升温等。

1）地区战争涉及大国会引起市场恐慌
2）国际纷争而引发对相互企业同离岸投资既制裁
3）债务危机指一 d 经济疲弱既国家，外界担心佢地无力偿还债务或要延期
4）经济环保唔好，央行减息，释放资金，增加市场流动性同消费开支。但持续既宽松政策，会令到通涨上升，为控制物价，又重回加息既循环，而其中加息同减息又会利好或利淡某 d 股票。

其实最近都有好明显既例子，俄乌冲突几乎令全球股市波动，正式入侵乌克兰大跌，战事几近完结或稍微放风计划谈判又会反弹；美联储拟定三月加息降低通涨又令股市波动，而来紧美国会再开会睇下经济数据再决定加 1/4 还是 1/2 厘。外界预测会系 1/4 厘居多，否则市场又要震荡了。

咁系外围局势同市场环境波动下，假如预期股市下跌，但我地本身就持有股票，对于因股票价格下跌而造成损失，就可以做所谓「对冲」，即系买入看淡投资工具，系当中获利而弥补原来投资上既亏损。例如睇淡香港恒指同美国纳指既$南方两倍看空恒指(07500.HK) $3 倍做空纳指 ETF - ProShares(SQQQ.US)  , 佢地系对指数下跌有 2-3 倍杠杆效果既 ETF。

相信上面两个 ETF 股友都好熟悉。除此而外，面对地区战争，股票市场受波及，仲有咩其他投资选择？可以拣石油，特别涉及石油出口国，黄金同 Bitcoin。

$W&T Offshore(WTI.US) 原油主连 (2204)(CLmain.US)$ 
$黄金主连 (2204)(GCmain.US)$ 
$南方两倍看多黄金(07299.HK) $Simplify US Equity PLUS GBTC ETF(SPBC.US) 
 

其实我出依篇野又迟左，果阵 WTI 原油期货曾经系短期高位美金 95 左右回落至 87 附近横行。直至俄罗斯全面进军乌克兰，就有左催化剂令油价再上。两日前外界都预期油价会升穿 100，甚至更高，但油价咁高又会带来咩问题？美国会唔会坐视不理呢？依度先唔讲咁深入。唔少朋友问我好唔好买石油期货？我唔主张既，当时自己预期油价只会大约升到 100 美元就玩完，除非局势急剧转坏，例如俄罗斯要吞并乌克兰，继而波兰。结果，油价稍微 high 一 high 100 就回落，加上系开战两日后就传出俄方愿意重返谈判桌既消息。


其实黄金期货都一样，之前我系穿美金 1800 介入，上望睇 1860 大阻力。一张黄金期货价格大约系 8xxx 美金一张，假如金价升 1 美元，实际盈利就有 100 美元。当然买左都系要日日睇住走势同消息啦，而最后就系金价升到 1860 卖出，获利 6000 美元。本来谂住又会有一个循环，等佢回落到咩价位再买入。随即俄乌打仗，金价就升得好快，我亦无买入，结果金价就由传出俄军准备入侵升至 1900 美元，到全面入侵就升到 1970 左右后回落，个阵好多人都睇话上 2000。遇著依的情况，我个人比较钟意拣黄金避险。

至于虚拟货币 Bitcoin，大家都唔陌生，佢币价曾经试过炒到上 6xxxx 美元。不过自从中国唔接受佢之后，之前既炒风一去不返。佢仍然有避险作用，但同股票一样都要睇走势同资金去决定买卖位置，如果佢落到 30000 美金就算特价了。咁鉴于买入比特币价格高昂，投资者可以拣 ETF$Simplify US Equity PLUS GBTC ETF(SPBC.US) ，不过讲明先佢系唔跟足币价走势同食价既。

有关避险投资，今晚就讲住咁多先，希望帮到大家了解多 d。

买入股票前须留意：
1）当刻市况 
2）板块是否当炒或出现消息
3）买卖盘比例 
4）以不同天线，在股价遇到支持同阻力位后的反应，作为买卖参考 
5）下跌中的股票不买，除非妳非常熟悉该股股价走势，并巳预算会分注，否则最好等出现强势买盘同反弹才行动
6）别人意见只能作为参考，买卖自己决定 


欢迎大家提问。请先点赞、关注，发问时标签股票，同讲埋咩价位买入或未持有。

$腾讯控股(00700.HK) $美团-W(03690.HK) $阿里巴巴-W(09988.HK) $香港交易所(00388.HK) $小米集团-W(01810.HK) $中国电力(02380.HK) $华能国际电力股份(00902.HK) $华润电力(00836.HK)