大家好，我系 lulu。当你仲有心机睇小弟贴文嘅时候，你应该唔系输好多？点解我咁讲呢，正常人经过 5 月份嘅大跌市洗礼后，留得低嘅应该唔系强者，就系有啲钱嘅人。毕竟 5 月份，$恒生指数(00HSI.HK)跌咗 8.35%，技术性陷入咗熊市㖞？其实一早已经系熊市好耐喇，所谓技术性熊市，有时真系随口噏，后知后觉。

小弟成日叫人唔好玩港股，不过我有时都会忍唔住买番少少，都系死响贪平果度，真系所谓平嘢冇好嘢，唔到你唔信啰，你睇美股同港股嘅走势就知，大家分道扬镳。美国虽然好似好多坏消息，不过美股反而越升越有，至于港股就一路向下寻底，越跌越有，越嚟越平喇。

踏入 6 月份，我就美股开始有保留，始终美股己经响高位果度，怕佢要回吐嘅话，下跌幅度会好大下，其实美股都系靠几只大型科技股顶住，例如，$苹果(AAPL.US)、$英伟达(NVDA.US) 及$特斯拉(TSLA.US)等等。不过随住今年内美国可能出现经济衰退，佢哋都好难独善共身啰，加上俄乌战事未见有解决迹象，会唔会越演越烈呢？嚟个大家都要留意一下。

相反，六月份港股有冇转机呢？我个人真系睇唔透，不过呢，共实好多股价跌出价值啰，我虽然唔建议买入，不过如果你有闲钱，可以试下搏一搏嘅，随时单车变摩托㖞，始终港股市盈率属于偏低，我都觉得再大跌机会有限，而且依家已经可以分段吸纳，顺便拉低个成本价，不过都要抱住坐艇嘅准备，我建议可以买入$腾讯控股(00700.HK)、$阿里巴巴-W(09988.HK)及$小米集团-W(01810.HK)等等科技股，始终佢哋真系已经跌咗好多，随时嚟个华丽转身都唔出奇啰。至于我持仓嘅股票，大家不妨可以参考一下。

钟意我分享嘅朋友，畀个赞我喇，以示对我嘅支持，你嘅支持会系我最大嘅动力，如果有咩可以互相交流一下嘅，请大家留言，多谢各位支持。

本文嘅数据及观点仅供交流学习，唔构成投资邀约及建议。投资有风险，入市需谨慎！