<div id="readability-page-1"><div> <figure> <img src="https://imageproxy.pbkrs.com/https://image.stheadline.com/f/680p0/0x0/100/none/74bd563722b5d47bc329df57a2070670/stheadline/inewsmedia/20250325/_2025032511393634396.jpg?x-oss-process=image/auto-orient,1/interlace,1/resize,w_1440,h_1440/quality,q_95/format,jpg" width="680" height="383" original-src="https://imageproxy.pbkrs.com/https://image.stheadline.com/f/680p0/0x0/100/none/74bd563722b5d47bc329df57a2070670/stheadline/inewsmedia/20250325/_2025032511393634396.jpg"/> <figcaption>「飲」定「吐」維他奶｜曾智華</figcaption> </figure>   <p>每當我在本欄分析一隻股票後，身邊及網上，會有四種反應：第一種是幾時入及入幾多最着數或賺最多呀？（冇腦！從來唔自己學分析，永遠等人餵食，賺咗哈哈笑，蝕咗一於姓賴，唔關自己事？）</p><h2>第四種人活在負能量最可悲</h2> <p>第二種是睇吓你準唔準先，結果等吓升一日，等吓又再升一日，死啦升咗咁多，好決定上船，結果錯過最佳時機。（例如我 3 個月前建議入維他奶，呢類老友就由 9 元睇，睇到 11 元才覺得執輸行頭慘過敗家，然後湧入。結果股價升到近 13 元回頭，最低再跌破 9 元，此時揼心揼肺狂問應否止蝕跳船。）</p> <p>第三種是唔貪唔驚，堅守一成出入準則。（去年 11 月曾見 9 元然後升上 12 元多，之後兩度跌回 9 元以下，然後又再升近 9.8 元，意即呢類投資者，短短 4 個月已賺咗 3 轉 1 成利潤。）</p> <p>第四種是唔買唔賣，憎人富貴厭人貧。呢類 Haters 最喜歡在網上留言。股市升時粒聲唔出，一跌即大踩特踩揶揄貼士「屎」，純發洩而無分析能力。  </p> <p>以上四類人，最可悲當然屬第四類，日日活在負能量的黑暗世界，不敢用真名論理。這類人，永世冇可能成為理財高手或成功投資者，因拒絕開竅。  </p><h2>維他奶中長線可高過 12 元</h2> <p>上周維他奶又唔聲唔聲展開升浪，點解？正是兩大股東開始暗鬥。原大股東羅家在 9 元以上密密回購，消息曝光後，投資者立即跟進。而另一邊明刀明槍收購的新加坡黃氏家族，也從未停手透過證券集團吸貨。  </p> <p>究竟今次角力會維持幾長，以及對股價產生幾大影響。我冇水晶球，只可告訴大家，小弟 9 元左右買入的貨，一股都未沽過，係咪早前已經走咗雞？細眉細眼睇，當然係！但我對維他奶估計，中長線絕對在 12 元以上！反正唔等錢使，當交遊戲費又考吓自己的眼光。  </p> <p>上周四電話不停響，正是文中首 3 類老友不停問：「維他奶好似又開車喎，碌 Sir，應該再『飲』多幾公升定趁機『吐』返肚內的出嚟呀？十五十六呀！」老友，你係我點答？  </p> <p>資深傳媒人 曾智華  </p> <p>相關文章：  </p> <p>難同情冇腦貪心成年人｜曾智華 </p> <p>NJZ 如期赴港感動全場 Cityline 卻拖垮觀眾體驗？｜梁偉聰 </p> <p>聯儲局減息之路未變｜曾淵滄 </p> <p>同程績優兼加派息 逆市企硬｜唐牛 </p> <p>領展大落後 減息有助股價轉角 李聲揚：低位已反彈 20% 相信不再尋底 </p> <p>港股四度突破二萬五 林本利料回氣再挑戰「最低消費二萬八」</p> <p>美股 4 月初前續謹慎 聯儲局放鴿不足撐市｜晉佳 </p> <p>再見可愛可敬的亞洲股神－李兆基先生｜林小珍</p>  </div></div>

維他奶國際

<p>維他奶的股價近期出現波動，主要受到兩大股東的暗鬥影響。原大股東羅家在 9 元以上回購股份，而新加坡黃氏家族也在積極增持。作者認為，維他奶的中長線股價有望超過 12 元，並分享了不同投資者的反應和心態。</p>