$Circle(CRCL.US) 最近由近 300 蚊高位急回，星期二單日跌咗 15.5%，盤後再跌埋少少，市值回返落去 540 億美元。見到個跌幅咁誇，長橋討論區個個都問仲可晤可以返家鄉。

回帶返睇呢輪嘅走勢，CRCL6 月 18 號開始連升幾日，成交爆晒燈，一日成交可以去到 264 億美元，換手率接近 60%。明顯係炒過火，一堆資金湧入去搏短線，呢啲位跌返落嚟好正常。不過就係咁，都晤代表 CRCL 嘅行情已經玩完！ 其實識睇 CRCL 就係睇三樣風險，到呢刻為止，我都未覺得構成真正危險，咁何來轉勢一說？

首先，監管風險。琴日國際清算銀行（BIS）出報告，話穩定幣風險多，但呢啲聲音唔係今日先有。反而 Circle 本身儲備透明度高，管理方式都幾正規。再講，美國對穩定幣嘅監管方向逐漸清晰，長遠對穩定幣係加分，而唔係減分。BIS 代表傳統金融機構，佢有自己嘅盤算，我地得個聽字就就得。

其次，業務過份依賴利差？有人話 Circle 好似一間唔可以借錢嘅銀行，賺利息係主要收入來源（把儲備資金去買收息資產），咁如果美國減息，咪影響佢盈利？但其實，美聯儲預期只係溫和減息，而唔係大幅轉向，加上 Circle 仲有擴展支付、結算等新業務，唔會淨係靠利差搵食。另一方面，減息會提升穩定幣使用需求，反而可能刺激流通量。

第三點，都係最重要嘅 ---- 信心危機風險。穩定幣最大依靠係儲備，市場擔心一旦有問題會出現擠提。但事實係，Circle 個 USDC 有九成資產係由 BlackRock 管理嘅政府貨幣市場基金入面，而且仲由 BNY 梅隆託管，安全性好高。除非出現極端黑天鵝，否則大規模信心崩潰嘅機率唔高。

一句到未，CRCL 呢個 Party 未玩完，我唔係預言家卑唔到目標價大家，但睇個勢 CRCL 只係再炒到咁癲，要搵個位坐低先。