摩帥日評：以伊戰火突然停戰！恆指強勢站穩 24000 點。

大家好，今日大市$恆生指數(00HSI.HK)的表現因為受惠於開市前特朗普突然宣佈以伊將會全面停火這個利好消息而全日都呈現非常強勢的大升市，單日曾經一度大升超過 500 點，同時大市都進一步突破上週高位而來到今日高位～24229點。其實昨日大市的走勢已經明顯地開始轉強，尤其我喺上週的復盤文章都提到大市應該會先進一步回調整固而下試23000點這個支持位，不過大市只係落到昨日低位～23272點就開始止跌反彈，之後更加由跌轉升，完全未受到週末美國突然打擊伊朗的核設施這個將戰火升温的利淡消息影響，而今日因為有利好消息大市就立即有強烈的反應而大升，同時都強勢回歸24000點之上並且都收復返 10、20 天線並企穩。最後大市都貼住高位收24177點。今日大市的成交金額再次超過 2000 億元，一共有 2404 億元，交投重新開始熾熱，動力十足。

今日大市能夠高開高走的主要原因都係受惠於以伊停火再加上昨日美股三大指數$道瓊斯指數(.DJI.US) $納斯達克綜合指數(.IXIC.US) $標普 500 指數(.SPX.US)的表現都持續強勁，走勢都係不斷尋頂。除此之外，今日 A 股$上證指數(000001.SH)都突破關鍵的阻力位置3400點而同時都創下 6 月新高～3423點，所以今日帶領大市大升係金融板塊，因為無論係內銀、內險都集體做好。當中藍籌最好表現的$中國平安(02318.HK) $中國人壽(02628.HK)今日都創 6 月新高位，同時藍籌重磅之一的$匯豐控股(00005.HK)$友邦保險(01299.HK)今日都有好強勁的表現。另外，內銀板塊的$建設銀行(00939.HK) $工商銀行(01398.HK) $招商銀行(03968.HK)今日齊齊破頂 ，非常強勢。

除此之外，今日新能源汽車板塊都係市場焦點因為$特斯拉(TSLA.US)推出 Robotaxi 之後而股價大升超過 8%，所以今日新能源汽車板塊係領航大市大升的特別藍籌重磅科技股之一的$小米集團-W(01810.HK)，  因為將會公佈新一代汽車 YU7，所以股價今日就突破 55 元這個區間位置而有接近 4% 的升幅。另外，新能源汽車龍頭$比亞迪股份(01211.HK) 、$理想汽車-W(02015.HK) $吉利汽車(00175.HK)都有超過 3% 的升幅，表現都算非常好。因此如果有投資者覺得未來日子 Robotaxi 有機會帶起新能源汽車相關概念股無論電動車或是電動車電池供應商，不妨都可以留意與關注由 GlobalX 發行而追蹤Solactive 中國電動車及電池指數的 ETF~$GX中國電車(02845.HK) ，而此 ETF 的成分股係主要 A 股上市相關的股份例如$比亞迪(002594.SZ) $寧德時代(300750.SZ)$匯川技術(300124.SZ)等等。 

另一方面，大市最主要的藍籌科技重磅的 ATM$騰訊控股(00700.HK) $阿里巴巴-W(09988.HK) $美團-W(03690.HK) 的股價表現依然未有特別顯著的強勢，尤其是$美團-W(03690.HK)的表現更加令人失望，逆市下跌，不過唯一表現比較好的科技股就係$快手-W(01024.HK) 。

今日除咗內險內銀板塊做好，卷商板塊都係集體做好特別表現最好的$招商證券(06099.HK) $中金公司(03908.HK) $中信證券(06030.HK)，而卷商的做好都係受惠於 A 股的做好，同時都顯示資金睇好中港股逐步進入牛市的步伐。 另外，今日醫藥板塊都集體做好包括$榮昌生物(09995.HK) $亞盛醫藥(06855.HK) $信達生物(01801.HK)齊齊上升而升勢最強勁就係$榮昌生物(09995.HK)。

最後，之前都有提到近期銀行定期利息都係處於比較低水平，而主要想以收息為主的投資者，其實可以留意 GlobalX 每年派 2 次高息的 ETF~$GX恆生股息(03110.HK) ，同時息率有 6+%。 除此之外，Global X 都有跟蹤指數相關的備兑期權 (Covered Call) ETF 例如有跟縱恆生指數的$AGX恆指備兌(03419.HK) ，跟蹤國企指數的$AGX國指兌(03416.HK) 同埋跟蹤恆科指數的$AGX恆科備兌(03417.HK)。GlobalX 的備兑期權 (Covered Call) ETF 的賣點就係每個月都會派息，不過由於這些 ETF 係通過賣出看漲期權（Call Options）來增強收益，並定期向投資者派發股息，所以旨在每月派息但係派息率並非保證，主要會隨市場波動變化。雖然如此，根據上一年派出的股息率都超過 10%，回報率相對比較高與穩定，所以此 ETF 比較適合以中長線收息為主的穩陣投資者。

總結

今日大市的走勢延續昨日的升勢之餘同時都呈現非常強勢的而尋頂的形態，順帶一提今日的升市完全係由多個板塊主導，從而令到大市能夠重返24000點，而大市今次新一輪的升浪絕對會再次向今年高位～24874點進發，所以半年結前夕的大市，絕對有條件突破25000點。

如果大家喜歡我今次的分享，希望大家可以點贊，俾👍♥️，同時都可以分享😊😊

多謝大家一直支持我，關注我🙇‍♂️🙇‍♂️

以上內容純屬個人心得分享用途，而只能作為參考，不構成任何投資建議。投資有風險，入市需謹慎。