J

我係咁睇的,passive invest 係賺 beta / risk premium, 最大嘅好處係慳時間,你可以拎幾乎為零嘅時間同成本就賺到~80-90th percentile 嘅回報而 trading / 賺 alpha ,如果成功…

我係咁睇的,passive invest 係賺 beta / risk premium, 最大嘅好處係慳時間,你可以拎幾乎為零嘅時間同成本就賺到~80-90th percentile 嘅回報而 trading / 賺 alpha ,如果成功嘅話咁就可以賺到 > 90th percentile 嘅回報,而 TBF 如果你真係做到最 top 10% 嘅回報嘅話,咁每年有 40-100% 回報都唔奇 [1] 但個問題係賺 alpha 完全係靠個人實力,如果你要去到 90th percentile ,即係話你嘅實力要超過 90% 嘅人,咁你自問每日放工身心俱疲開市望嗰兩個鐘,憑咩勁過 90% 嘅人呢?當你係一個正常人,回報係散戶嘅 50th percentile ,咁點解唔索性被動投資,零 effort 就已經 80-90th percentile 呢?

尤其你上過網就知道,好多人買股票真係亂鳩咁嚟,KOL 叫佢買咩就買咩,一嚟就問 number,幾萬幾十萬咁買啲股票,但做嘅研究仲少過屋企買部電視,叫佢用吓個腦好似叫佢去死咁。淨係諗住扑中十倍股,但如果扑錯咗有咩 plan 呢?偏偏十問九唔知。

That’s why 我大力推廣被動投資,你唔係嗰個料/冇嗰個心力就唔好搞咁多飛機,對於好多人嚟講,被動投資會係佢地賺得最多錢嘅方法。 你可能自問唔係傻散,未試過又點知自己有冇嗰個料,咁我覺得襯後生用少少錢試吓都無妨,開個 sub account 過幾年睇吓自己有冇 alpha 至於你話睇圖嗰啲,erm 又唔可以話 100% 係垃圾,after all time series momentum 呢啲都係好常見學術上好常見 well proven 嘅 technique,但會話要靠睇圖去到 above 90th percentile 嘅位,咁就一定冇可能。

去到嗰啲位睇圖最多係輔助,要分辨係運氣定係能力賺到錢就係靠你知唔知道自己賺緊嘅錢喺邊度嚟?例如我會講得出我賺嘅錢係承受咗其他人唔想承受嘅風險,我嘅 alpha 係來自於我比其他人更有效率地 allocate 呢啲 risk premium 。 以我所知有料嘅 day trader,都係靠佢哋對市場嘅機制比其他人有更深刻嘅了解,從而做到 arbitrage,睇圖只不過係佢地嘅 tool box 嘅一部分,但你冇個 secret sauce 你睇圖再叻都冇用。

所以如果係靠 skill 賺錢嘅話一定講得岀自己啲錢係喺邊度嚟 [2],甚至講咗個 secret sauce 俾你聽之後你會話屌原來就係咁簡單。但你偏偏就唔識,因為你都冇好似佢地咁 autistically 浸咁耐喺個市場,咁個問題就變成你願唔願意喺個市場 autistically 浸咁耐去揾 secret sauce,呢樣基本上就係全職工作嚟。

你亦唔一定揀死一條路㗎,你咪當被動投資係一個起點(對於好多人嚟講可能已經係最好嘅終點),反正被動投資都係 set up 一次就一勞永逸,setup 完咪再分少少錢做 active 慢慢學都未遲。你咪當係返多份工,過幾年都係跑唔贏大市嘅咪先再放棄。

同埋投資係一個好闊嘅領域,你唔一定學 JLAW, Martin luk 咁 day trade 㗎,仲有好多唔同嘅派系,被動同主動係一個光譜嚟,你見我都唔係純被動到就咁 100% VT 㗎,都係睇你嘅知識/secret sauce 係咩。

btw 多謝呢位讀者嘅問題,真係少數問得超好嘅問題🙏🏻

[1] 我成日都好奇散戶回報嘅 return / risk adjusted return distribution 係咪 log normal,所以可能勁你少少已經會高你勁多回報🤔,有人識嘅話可以教我

[2] Grossman–Stiglitz paradox, market efficiency 係靠 informed trader 嘅 arbitrage 維持的,如果係冇錢賺嘅話佢哋自然唔會去做 arbitrage, 所以我唔會一碌鳩打一船人話所有跑贏大市都係運氣,靠運氣嘅叫 noise trader,唔係靠運氣嘅人一定講得出自己賺緊邊個嘅錢,個 secret sauce 係咩,爭在同唔同你講咁解😂

图片 1,共 1 张

本文版權歸屬於原作者/機構。

以上內容僅代表作者個人觀點,不代表平台立場。本內容僅供投資參考,不應被視為投資建議。如您對平台提供的內容服務有任何疑問或建議,請聯繫我們。