摩帥日評、川馬風波峰回路轉，應該告一段落。

大家好，今日大市$恆生指數(00HSI.HK)的表現非常強勢，整個走勢呈現高開高走的格局，同時大市都進一步突破 6 月高位而再創暫時 6 月新高位～24439點，而最重要就係今日大市的走勢就與昨日唔同，因為昨日的走勢係先見高位，之後就將升幅回吐，由升轉跌，但係我都係昨日的下跌係下試心理關口位置24000點這個關鍵支持位，而正正因為顯著24000點已經築起支持位置，所以今日大市先能夠再衝上高位尤其大市整體的走勢進入上升軌道而且這個升勢一浪高於一浪， 最後大市都貼住高位收24366點。有少少美中不足的就係今日大市的成交金額未超過 2500 億元，只有 2303 億元，動力開始就放緩少少但係都係處於 2000 億元樓上。

今日大市能夠高開高走的主要原因都係受惠於現在中美喺倫敦舉行貿易會談再加上昨日美股三大指數$道瓊斯指數(.DJI.US) $納斯達克綜合指數(.IXIC.US) $標普 500 指數(.SPX.US)的表現非常強勁，走勢都係不斷尋頂。今日市場焦點就係金融板塊，因為無論係內銀、內險都集體做好。當中藍籌最好表現之一的$中國人壽(02628.HK) 今日都創今年新高位，同時藍籌重磅之一的$友邦保險(01299.HK)雖然今日的升幅比較少但係股價都已經破頂。另外，內銀板塊的$建設銀行(00939.HK) $工商銀行(01398.HK) $招商銀行(03968.HK)今日齊齊破頂 。

除此之外，今日資源股繼續延續昨日的升勢特別今日表現最好藍籌的$中國宏橋(01378.HK) ，持續上升同時都係創歷史新高。另外，$紫金礦業(02899.HK) $中國石油股份(00857.HK) $招商銀行(03968.HK) 的表現都相當唔錯。反而，藍籌重磅科技股$騰訊控股(00700.HK) $阿里巴巴-W(09988.HK) $美團-W(03690.HK) $小米集團-W(01810.HK) 的股價表現依然未突破今年的新高位，所以 ATMX 就真係跑輸大市好多。

今日除咗內險內銀板塊做好，卷商板塊都係集體做好特別表現最好的$招商證券(06099.HK) $中金公司(03908.HK)$中信證券(06030.HK)，而卷商的做好都顯示資金睇好逐步進入牛市的步伐。 除此之外，今日手遊板塊都集體做好包括$嗶哩嗶哩-W(09626.HK) $網易(09999.HK) $心動公司(02400.HK) 都齊齊上升而升勢最強勁就係嗶哩嗶哩。

最後，我之前喺上週復盤文章都提到近期特朗普與馬斯克的關係決裂而都拖累$特斯拉(TSLA.US)股價大跌從而跌穿 300 美元。不過今日當港股尾盤的時刻，馬斯克突然喺 X 的社交平台聲稱上週發佈關於特朗普的帖子感到後悔，而此文章都顯示出馬斯克對特朗普認錯。隨著此文的帶動之下，今日$特斯拉(TSLA.US)夜盤就開始由跌轉升，不過港股方面，由南方東英發行兩倍槓桿美股個股 ETF~$南方兩倍做多特斯拉(07766.HK)就因為此消息就率先喺尾盤突然拉昇，最後以大升超過 13%，而此都可以證明這個 ETF 係把握突發事件及消息而隨機作出反應，所以當此消息一出，此 ETF 的升幅已經超過美股夜盤的升幅。同樣地都反應喺反向 ETF~$南方兩倍做空特斯拉(07366.HK) ，今日都喺尾盤突然急跌。因此南方東英發行的亞洲首批美股個股槓桿與反向 ETF正正為投資者提供了更靈活、多元化的投資工具，同時都可以把握美股市場機遇同埋把握突發事件的交易機會，所以投資者特別有投資美股的不妨都留意此 ETF。另外都有其他美股個股槓桿與反向 ETF例如$英偉達(NVDA.US) 的$南方兩倍做多英偉達(07788.HK) $南方兩倍做空英偉達(07388.HK) $Coinbase(COIN.US) 的$南方兩倍做多Coinbase(07711.HK) $南方兩倍做空Coinbase(07311.HK) 等等。

總結

今日大市的走勢繼續呈現非常強勢的升市，順帶一提今日的升市完全係由傳統金融板塊帶領。自從大市突破 24000 點之後，升勢不可阻擋，到這一刻都未有要作出回調的跡象，而整個走勢非常明顯地處於上升通道，形態上都係處於尋頂格局，所以 6 月的大市絕對有條件突破今年高位～24874點、同時都有可能一舉突破25000點。

如果大家喜歡我今次的分享，希望大家可以點贊，俾👍♥️，同時都可以分享😊😊

多謝大家一直支持我，關注我🙇‍♂️🙇‍♂️

以上內容純屬個人心得分享用途，而只能作為參考，不構成任何投資建議。投資有風險，入市需謹慎。