摩帥 • 恆指 24000 點得而復失的真相！中東戰火燒到港股。14-06 復盤

大家好，時間過得好快，又係我摩帥分享一週總結、覆盤的時刻 ，寫長文唔容易，所以真心希望大家可以多啲關注與支持我🙏🙏

回顧這週大市的走勢
上週我都提到大市$恆生指數(00HSI.HK)的走勢會受惠中美喺週一倫敦舉行貿易會談，當市場都憧憬會談之後會有特別的好消息，不過比較可惜最後都沒有特別的亮點從而大市喺中東大戰爆發之前就開始回調，尤其是這週大市先創下這週、6 月新高位～24439點之後就開始止步而回落，先開始下試 24000 點這個支持位置，而兩次的下試都守穩於 24000 點之上，而當時大家都認為大市喺24000點開始築起雙底的形態。不過，人算不如天算，週五開市之前中東局勢突然升温，以伊大戰一觸即發從而都燒到全球股市包括港股同埋昨晚的美股三大指數$道瓊斯指數(.DJI.US) $納斯達克綜合指數(.IXIC.US) $標普 500 指數(.SPX.US)齊齊應聲大跌，因為大量資金再次逃離股票市場而投入避險市場從而令到避險情緒不斷升温，從而都帶動黃金價格再次重返 3400 美元之上。除此之外，WTI 原油價格都一度爆升超過 12% 而上返 75 美元之上，主要係市場都擔憂原油供應因此而減少，而原油價格的上升進一步令到市場擔憂通脹重燃，減息就有機會再延遲。

因此前期已經上升超過 5000 點的大市，都藉此利淡消息將之前剛剛先築起雙底的下方支持位置心理關口24000點打穿，而大市都曾經一度跌穿 10 天線～23866點而來到這週低位～23774點，不過之後有少數資金開始湧入撈底從而將跌幅收窄少少而令到大市當日就收復 10 天線，不過比較可惜就未能夠收復24000點。大市暫時整體上都係處於向上攀升的格局，至少都能夠守穩 10 天線，簡單講這週大市的整體表現都算非常唔錯，至少都能夠抗跌到中東燃起的戰火，最後大市收23892點。

這週大市能夠先見 6 月高位主要受惠之前一直提到中美貿易會談而此會談掃除市場之前的對關税的憂慮，同埋美股三大指數不斷上升從而令到市場資金不斷湧入股票市場，再加上避險情緒升温，所以這週帶領大市上升係傳統藍籌金融同埋資源板塊尤其近期升勢最凌厲的內險內銀龍頭股包括$建設銀行(00939.HK) $工商銀行(01398.HK) $招商銀行(03968.HK) $中國人壽(02628.HK)、資源板塊最強的三桶油$中國海洋石油(00883.HK) $中國石油股份(00857.HK) $中國石油化工股份(00386.HK)、有色金屬的$紫金礦業(02899.HK) $中國宏橋(01378.HK)等等。另外，生物科技同埋醫藥板塊依然都係市場資金最追捧的版塊而一眾相關藍籌股都持續強勢尤其是表現最好的$中國生物制藥(01177.HK)，這週大升超過 20%， 真係非常強勁。另外，$藥明生物(02269.HK) $藥明康德(02359.HK)都係領航 CRO 板塊的藍籌而兩隻都齊齊破頂。 反而，藍籌重磅科技板塊的表現持續疲弱無論$騰訊控股(00700.HK) $阿里巴巴-W(09988.HK) $美團-W(03690.HK) $小米集團-W(01810.HK)都係逆市下跌。

最後總結，這週大市一共上升 100 點，收23892點。成交金額方面，這週成交金額一共有 1.27 萬億元，成交金額較上週多，日均保持 2500 億元之上，明顯動力非常大同未有減弱。

從技術面分析大市，這週大市係先高後低的形態，因為大市先見這週高位，而這週高位～24439點係高於上週的高位～23951點。而這週低位～23774點係高於上週的低位～22668點，
從週線圖上大市係收一支有比較長的上影綫的陰燭，不過因為中東局勢不斷升温，所以大市下方的支持位置應該會下試上週的低位～22668點亦是 50 天線的關鍵位置，而上方的阻力位置係應該就係得而復失的24000點。

大市下週展望
週五的美股三大指數$道瓊斯指數(.DJI.US) $納斯達克綜合指數(.IXIC.US) $標普 500 指數(.SPX.US)因為受到以伊戰火衝擊之下而大跌特別係科技股包括$蘋果(AAPL.US) $英偉達(NVDA.US) $Meta(META.US)等等。不過在此背景之下，穩定幣發行商～$Circle(CRCL.US)反而一枝獨秀而大升超過 25%，主要美國各大公司都考慮發幣，所以資金都睇好數字貨幣未來的發展。除此之外，近期受惠馬特關係破冰而股價逆轉的$特斯拉(TSLA.US)都持續做好。雖然美股做好未必帶動港股，不過美股的下跌絕對會拖累下週大市的走勢，所以我相信大市應該都會藉此機會回調整固，首先應該先下試短期支撐位置 20 天線，大家不妨拭目以待下週大市的走勢😉😉

這週焦點
1. 這週市場焦點就係中東局勢升温而令到油價飆升，從而帶動油服油氣板塊集體大爆升包括$山東墨龍(00568.HK) $中石化油服(01033.HK) $聯合能源集團(00467.HK)等等。

2. 這週新消費概念三寶之一的$泡泡瑪特(09992.HK)，因為 Labubu 全球熱賣所以股價再創歷史新高，升勢依然持續。 另外，因為受惠黃金價格的爆升，$老鋪黃金(06181.HK)的股價重返 900 元樓上。最後$蜜雪集團(02097.HK)自從破頂之後股價就開始回調，但係股價依然企穩 500 元之上。

3. 這週螞蟻集團計劃將喺香港同埋新加坡申請穩定幣牌照，而此消息一出就令到$耀才證券金融(01428.HK)$雲鋒金融(00376.HK)的股價突然飆升尤其$雲鋒金融(00376.HK)股價曾經一度大升接近一倍，真係非常誇張。

這週操作
$阿里巴巴-W(09988.HK)～這週我本人趁巴巴一度升穿 120 元的時候就止賺一半的倉位從而拉低成本，之後因為週五跌市的時候，巴巴又落返 112 元這個位置，我又再次加註，因為現價的巴巴都相對比較值得部署，睇好股價應該可以上返 130 元之上。

$李寧(02331.HK)～這週我本人趁李寧上返 16 元的時候就全數止賺之前 14.5 買元入的倉位。隨後週五跌市的時候，大概喺 15.5 元再買返，因為我始終都覺得李寧股價應該喺 16 元之上。

後市部署
這週$恆生科技指數(STECH.HK)的表現就差過恆指，始終近期科技龍頭的表現比較一般，未有新一輪好似年頭 DeepSeek 帶起的強勢，雖然恆科指數都曾經一度突破這週、6 月薪高位～5484點不過就未能夠突破 5 月的高位～5500 點，可想而知 5500 點絕對係一個非常龐大的阻力位置。雖然如此，暫時 6 月整體走勢都係處於上升通道，最後恆科收喺5239點。不過未來日子如果有投資者睇好後市繼續由 AI 主導而再次帶起科技板塊，不妨都可以趁下週恆科有機會受到中東局勢升温拖累而再回調整固的時候，留意或者部署由招商資管發行跟蹤恆科指數的 ETF~$招商恆生科技(03423.HK)。另外，招商資管都有發行與美債相關的避險 ETF~$恆生招商七十美債(03435.HK) $恆生招商一三美債(03436.HK)，這兩隻 ETF 分別係相對投資於 1-3 年期和 7-10 年期美國國債。美債作為全球避險資產，可以用來對衝股市的波動，所以比較適合保守型投資者。

總結
這週大市初頭強勢突破24000點而逼近今年的高位～24874點，而市場都憧憬大市應該短期中就創今年新高位，奈何中東局勢突然升温，戰火重燃，避險情緒一下子飆升，黃金、石油價格率先飆升，再加上中美雙方的貿易會談之後未有令到市場有驚喜的結果，所以今次的升浪可能被打斷，從而大市可能進入急升後的整固階段。唯一仲可以憧憬的就係始終 6 月份係半年結的月份，而基金通常做半年結之前都會做少少粉飾櫥窗從而減低大市的回調幅度。

如果大家喜歡我這週總結，希望大家可以點讚，俾👍♥️，同時都可以分享😊😊

多謝大家一直支持我，關注我🙇‍♂️🙇‍♂️

以上內容純屬個人心得分享用途，而只能作為參考，並非投資建議。