摩帥日評：恆指飆破 6 月高點！虛擬資產牌照突襲，A 股要起飛了。

大家好，今日大市$恆生指數(00HSI.HK)的表現延續昨日的強勁升勢而進一步向今年高位～24874點進發，而今日大市行出一波高開高走的形態，曾經一度大升超過 300 點，同時大市都進一步突破 6 月高位而來到今日高位～24533點，離今年高位只係一步之遙。其實昨日我都提到大市已經開始新一波的升浪，逐步步入牛市的步伐，所以今日大市已經不斷向上攀升，而今日再受惠 A 股$上證指數(000001.SH)今日強勢突破今年新高位～3459點，同時今日最引爆市場的利好消息就係$國泰君安國際(01788.HK)獲得香港證監會批准將其現有的證券牌照升級為可以提供虛擬資產交易及相關意見服務的綜合牌照，而立即成為首家獲此全方位虛擬資產交易服務資格的香港中資券商，因此今日大市的氣氛非常好，所以大市最後都接近高位收市、收24474點。今日大市的成交金額都進一步增加，超過 2500 億元，一共有 2678 億元，交投非常暢旺，動力十足。

今日大市能夠高開高走的主要原因除咗受惠於以上提到的，其實一開始都係受惠於隔晚美股三大指數$道瓊斯指數(.DJI.US) $納斯達克綜合指數(.IXIC.US) $標普 500 指數(.SPX.US)的強勢上升表現，除此之外，今日大市開始有比較多唔同板塊都做好除咗金融板塊之外，都開始有之前跌得比較殘的內房、地產股當中藍籌最好表現的有$恆隆地產(00101.HK) $恆基地產(00012.HK) $中國海外發展(00688.HK)$新鴻基地產(00016.HK)等等。而一直處於強勢板塊的金融板塊依然受到資金追捧尤其是今日突破今年新高的內險龍頭$中國平安(02318.HK) $中國人壽(02628.HK) 。另外，內銀板塊的$建設銀行(00939.HK) $工商銀行(01398.HK) $招商銀行(03968.HK) 、藍籌重磅的$匯豐控股(00005.HK) $友邦保險(01299.HK)今日全部都齊齊破頂 ，金融板塊真係今年以來最強勁的版塊，沒有之一。

另一方面，如果大市需要突破今年新高或者25000點，我相信一定要啓動藍籌科技重磅的上升模式特別係股王$騰訊控股(00700.HK) ，到今日股價都係橫行階段，即使今日表現最好的$阿里巴巴-W(09988.HK) ，股價依然未上返今年高位，而最弱$美團-W(03690.HK)更加處於底部。所以$恆生科技指數(STECH.HK)到今日都係未破 6 月的高位～5484點，真係跑輸恆指好多。如果有投資者真係睇好恆科指數會跟隨恆指而進一步破 6 月高位甚至乎今年高位～6195點而想部署的話，不妨都可以留意或者關注華夏基金發行追蹤恆科指數的 ETF~$華夏恆生科技(03088.HK) 。

今日券商板塊因為$國泰君安國際(01788.HK)的利好消息帶動之下而集體做好包括$中州證券(01375.HK) $招商證券(06099.HK) $中信證券(06030.HK) $耀才證券金融(01428.HK)等等，而券商的做好都係顯示中港股就來步入牛市的跡象。 另外，今日芯片板塊都集體做好包括$華虹宏力(01347.HK) $上海复旦(01385.HK) ，不過表現最好係藍籌之一的$中芯國際(00981.HK)。

最後，最近市場的焦點都係同虛擬資產有關無論係穩定幣的發行商$Circle(CRCL.US) 、 強勢回升 10 萬美元以上的比特幣、或是再次上返 2400 美元的以太幣都有資金追捧相關的產品，而最簡單參與到相關產品就係透過 ETF，所以如果有長期看好比特幣的投資者不妨都可以留意或者部署$華夏比特幣(03042.HK) 。另外，如果有長期看好以太幣的投資者不妨都可以留意或者部署$華夏以太幣(03046.HK) 。

總結

大市由上週的低位～23185點開始反彈到今日高位～24533點，短短四日已經上升超過 1300 點，而新一波的升浪絕對會再次挑戰今年高位～24874點，因為好多基金經理一定會喺半年結前一定會不斷做好盤數而粉飾櫥窗，所以未來幾日的大市絕對有條件衝破今年新高位。

如果大家喜歡我今次的分享，希望大家可以點贊，俾👍♥️，同時都可以分享😊😊

多謝大家一直支持我，關注我🙇‍♂️🙇‍♂️

以上內容純屬個人心得分享用途，而只能作為參考，不構成任何投資建議。投資有風險，入市需謹慎。